សម្ដេចតេជោ ហ៊ុន សែន នឹងអញ្ជើញបើកសន្និសីទថ្នាក់តំបន់ ស្ដីពីការប្រយុទ្ធប្រឆាំងឱសថក្លែងក្លាយ និងអន់គុណភាព

October 29, 2018 514

ភ្នំពេញ ៖ គណៈកម្មាធិការប្រយុទ្ធប្រឆាំងផលិតផលក្លែងក្លាយ ដែលបង្កគ្រោះថ្នាក់មានហានិភ័យខ្ពស់ដល់សុខភាព និងសុវត្ថិភាពសង្គម (គ.ប.ផ.ក) នៃក្រសួងមហាផ្ទៃ សហការជាមួយក្រសួងការបរទេស និងសហប្រតិបត្តិការអន្តរជាតិ ក្រសួងសុខាភិបាល និងវិទ្យាស្ថានអន្តរជាតិប្រយុទ្ធប្រឆាំងឱសថក្លែងក្លាយ (IRACM) នៃសាធារណរដ្ឋបារាំង នឹងរៀបចំសន្និសីទថ្នាក់តំបន់ស្ដីពី ការប្រយុទ្ធប្រឆាំងឱសថក្លែងក្លាយ និងអន់គុណភាព រយៈពេល២ថ្ងៃ ចាប់ពីថ្ងៃទី៥-៦ ខែវិច្ឆិកា ឆ្នាំ២០១៨ នៅសណ្ឋាគារសូហ្វីតែនភ្នំពេញភូកេត្រា។

តាមសេចក្ដីប្រកាសរបស់ គ.ប.ផ.ក នៅថ្ងៃទី២៩ ខែតុលា ឆ្នាំ២០១៨នេះ បានឲ្យដឹងថា ពិធីបើកសន្និសីទថ្នាក់តំបន់ដ៏ធំមួយនេះ នឹងប្រារព្ធឡើងក្រោមអធិបតីភាពសម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នាព្រឹកថ្ងៃទី៥ ខែវិច្ឆិកា។ ចំណែកពិធីបិទសន្និសីទនេះ នឹងធ្វើឡើងក្រោមអធិបតីភាពសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នារសៀលថ្ងៃទី៦ ខែវិច្ឆិកា៕

Loading...