គួរឲ្យសង្វេគ! សិស្សសាលាឬស្សីកែវ៦នាក់ បបួលគ្នាញាំម្ជូរអង្គុយលេងមាត់ស្រះ ស្រាប់តែយុវសិស្សម្នាក់ដោះអាវ លោតទឹកស្រះតែឯង ក៏លង់លិចបាត់ផ្លឹបតែម្តង

June 13, 2019 31

ភ្នំពេញ ៖ យុវសិស្សម្នាក់ ក្នុងចំណោមមិត្តរួមថ្នាក់៦នាក់ រៀននៅសាលាអនុវិទ្យាល័យឬស្សីកែវ បានលង់ទឹកស្រះស្លាប់យ៉ាងអណោចអធ័ម នៅក្នុងវត្តឧត្តរាវត្តី ស្ថិតក្នុងភូមិមិត្តភាព សង្កាត់ឬស្សីកែវ ខណ្ឌឬស្សីកែវ កាលពីវេលាម៉ោង២និង៤០នាទីរសៀល ថ្ងៃទី១២ ខែមិថុនា ឆ្នាំ២០១៩។

យុវសិស្សរងគ្រោះឈ្មោះ អៀត សំរិទ្ធបញ្ញា អាយុ១៤ឆ្នាំ ជាសិស្សរៀនថ្នាក់ទី៧ ED នៃអនុវិទ្យាល័យឬស្សីកែវ មានទីលំនៅភូមិសាមគ្គី សង្កាត់ឬស្សីកែវ ខណ្ឌឬស្សីកែវ។

តាមប្រភពនៅកន្លែងកើតហេតុ បានឲ្យដឹងថា មុនកើតហេតុយុវសិស្សរងគ្រោះ និងមិត្តរួមថ្នាក់ សរុបមានគ្នា៦នាក់ ឆ្លៀតម៉ោងទំនេរ ព្រោះសាលាក៏នៅជាប់ទីរបងវត្ត ក៏បាននាំគ្នា ទិញផ្លែឈើ គ្រឿងម្ជូរ ទៅអង្គុយហូបនៅមាត់ស្រះក្នុងបរិវេណវត្ត កន្លែងកើតហេតុ ហូបបណ្តើរជជែកគ្នាលេងបណ្តើរ មិនទាន់ទាំងអស់ផង ជនរងគ្រោះ ដោះអាវ ស្រាតខោជើងវែង លោតចុះងូតទឹកស្រះ តែម្នាក់ឯងស្រាប់ តែលង់លិចបាត់ផ្លឹបតែម្តង រកតែជួយមិនទាន់ផង ទើបបង្កឲ្យផ្អើលឆោឡោ ប្រជាពលរដ្ឋ សមត្ថកិច្ច ក្រុមគ្រួសារ នាំគ្នាចុះរាវ ស្រង់ឡើងគោកវិញ ដើម្បីសង្គ្រោះ លើករលាក់ យ៉ាងណាក្តី ក៏មិនអាចដឹងខ្លួនឡើងវិញបានដែរ ហើយក្រុមគ្រួសារ បានត្រឹមបង្ហូរទឹកភ្នែក ទាំងក្តីអាណិត។ តាមលោកតាអាចារ្យ បានឲ្យដឹងថា ស្រះទឹកមុខព្រះវិហារខាងលើ មានជម្រៅរហូតដល់ទៅ៣ម៉ែត្រ។

ជនរងគ្រោះក្រោយកើតហេតុ ត្រូវបានស្រង់សង្គ្រោះបឋមរួចបានបញ្ជូនទៅមន្ទីរពេទ្យ តែត្រូវគ្រូពេទ្យប្រាប់ថា ស្លាប់បាត់ទៅហើយ រួចសមត្ថកិច្ចមកពិនិត្យ ធ្វើកោសល្យវិច័យជាក់ស្តែង ឃើញថា ស្លាប់ដោយសារលង់ទឹកប្រាកដមែន រួចប្រគល់ជូនក្រុមគ្រួសារ ចាត់ចែងដឹកយកទៅធ្វើបុណ្យតាមប្រពៃណី៕

Loading...