ប្រទះឃើញ​សពស្ត្រីក្រមុំ​ចាស់ម្នាក់ ចងកសម្លាប់ខ្លួនរហូតធំក្លិនស្អុយ ទើបដឹង

July 31, 2018 660

ភ្នំពេញ៖ ហេតុការណ៍នេះបានបង្ករអោយមានការភ្ញាក់ផ្អើលកាលពី​ថ្ងៃទី២៨ ខែកក្កដា ឆ្នាំ២០១៨ នៅ​ចំណុច​ផ្ទះជួល​លេខ​៤៦២A តាមផ្លូវ​ព្រះមុនីវង្ស ក្រុម៦៨ ស្ថិតនៅ​ភូមិ១២ សង្កាត់​ទន្លេបាសាក់ ខណ្ឌចំការមន ។

សព​ជនរងគ្រោះ​មានឈ្មោះ អ៊ុក ចាន់​ធី​ដា ភេទ​ស្រី អាយុ ៦០ឆ្នាំ ស្នាក់​នៅផ្ទះ​លេខ​៣២Eo ផ្លូវ១៧៨ ភូមិ៩ សង្កាត់​ជ័យជំនះ ខណ្ឌដូនពេញ និង​ទីកន្លែង​កំណើត សង្កាត់​លេខ៥ ក្រុងភ្នំពេញ ។

ស្ត្រី​ជា​ម្ចាស់​ផ្ទះជួល​ឈ្មោះ ហ៊ុល គ​ន្ធា អាយុ៣៦ឆ្នាំ​មុខរបរ​លក់ដូរ​ស្នាក់នៅ​ផ្ទះ​លេខ​៤៦២A តាមផ្លូវ​ព្រះមុនីវង្ស សង្កាត់​ទន្លេបាសាក់ ខណ្ឌចំការមន​បាន​ប្រាប់​ឲ្យ​ដឹងថា មុន​កើតហេតុ​គាត់​បាន​យក​សម្លរ​កកូរ​មួយ​ចាន​ឲ្យ​ស្ត្រី​រងគ្រោះ ណាមួយ​រាប់អាន​គ្នា​ដោយ​ស្ត្រី​រងគ្រោះ​បាន​ជួល​បន្ទប់​ប្រហែល​ជិត២ឆ្នាំ​ហេី​យ តែ​ពេល​មក​មិនឃើញ​ឈរ​នៅ​ខាងក្រោម​រួច​ក៏​ឡើង​គោះទ្វារ​បន្ទប់​ជួល ក៏​មិន​ឆ្លើយតប​តែមាន​ក្លិនស្អុយ​សាយភាយ​ចេញមកក្រៅ រួច​ក៏​ទាញ​ទ្វា​យ​កញ្ចក់​បង្អួច​បើក​មើល ទើប​ឃើញ​ស្ត្រី​ជា​អ្នក​ជួល​បន្ទប់​ស្លាប់ ក៏​ប្ដឹង​សមត្ថកិច្ច​អាជ្ញាធរ​ចុះមក​ត្រួតពិនិត្យ​កន្លែងកើតហេតុ ។

ស្ត្រី​រងគ្រោះ​នេះ​បាន​ហូបបាយ​ជាមួយ​គាត់​បាន​ម្ដង​នៅ​ថ្ងៃទី២៥ ខែ កក្កដា ឆ្នាំ ២០១៨ នៅពេល​ល្ងាច​ហើយក៏​មក​ក៏​មិនបាន​ជួប​មុខ​មកដល់​បច្ចុប្បន្ន តែ​ដឹងថា​សព​មាន​ជំងឺ​ប្រចាំកាយ​ដោយ​តែងតែ​ស្ត្រី​រងគ្រោះ​យក​ថ្នាំពេទ្យ​ឲ្យ​មើល​ទិញ​ម្ដង​សុទ្ធតែ​ជាង១០០ដុល្លារ​ឯណោះ​តែ​មិនដឹងថា ឈឺ​អ្វី​ដោយ​មិនដែល​ប្រាប់ ។

ក្រោយពី​ស្ត្រី​ម្ចាស់​ផ្ទះជួល​បាន​ទូរស័ព្ទ​ប្ដឹង​ថា​ប្រទះឃើញ​ស្ត្រី​រងគ្រោះ​ជួល​បន្ទប់​ចងក​សម្លាប់ខ្លួន​ក្នុង​បន្ទប់ដេក​ហើយក៏​បាន​ចុះ​ត្រួតពិនិត្យ​សព​ហើយ​រុំ​ព័ន្ធ​កន្លែងកើតហេតុ​រងចាំ​ខាង​ការិយាល័យ​នគរបាល​បច្ចេក​ទស​កោសល្យ​វិ​ច្ឆ័​យស​ព​ចុះមក​ត្រួតពិនិត្យ​កន្លែងកើតហេតុ​តែបើ​តាម​ការបំភ្លឺ​ស្ត្រី​ម្ចាស់​ផ្ទះជួល និង​ក្រុមគ្រួសារ​សព​ប្រាប់ថា​សព​មាន​ដោយ​សង្ស័យ​ជំងឺ​ប្រចាំកាយ​តែ​មិនដឹងថា​មាន​ជំងឺ​អ្វី​ឲ្យ​ប្រាកដ​ដោយ​សព​ជា​ក្រមុំចាស់​មិន​យកប្ដី ។

​សន្និដ្ឋាន​ស្ត្រីជន​រងគ្រោះ​សព​ករណី​ធ្វើអត្តឃាត​ដោយ​ចង ក​សម្លាប់ខ្លួន​ដោយ​ប្រើ​ក​ន្សែង​ចង​ទៅលើ​ចំរឹង​បង្អួច​ថ្ម និង​ឡើង​ជាន់​កៅអី​ហើយ​សព​បានប្រគល់​ឲ្យ​ទៅ​ស្ត្រី​ជា​ប្អូនបង្កើត​សព​មានឈ្មោះ អ៊ុក សុ​ម៉ាលី ភេទ​ស្រី អាយុ៦១ឆ្នាំ​មុខរបរ​នៅផ្ទះ ស្នាក់​នៅផ្ទះ​លេខ៣២E1 តាមផ្លូវ១៧៨ ក្រុម៩ សង្កាត់​ជ័យ​ជំ​នៈ ខណ្ឌដូនពេញ រាជធានី​ភ្នំពេញ យកទៅ​វត្ត​សំបួ​សមាស​ស្ថិតនៅ​សង្កាត់​ដង្កោ ខណ្ឌដង្កោ រាជធានី​ភ្នំពេញ​ដើម្បី​ធ្វើបុណ្យ​តាម​ប្រពៃណី ៕

Loading...