គណៈកម្មការសុខាភិបាលចិន៖ ចំនួនមនុស្សស្លាប់ដោយសារវីរុសកូរ៉ូណាថ្មី កើនដល់១,១១០នាក់ និងឆ្លងជាង៤៤,២០០នាក់

February 12, 2020 78

ប៉េកាំង ៖ គណៈកម្មការសុខាភិបាលចិនបានបញ្ចេញនូវរបាយការណ៍ថ្មី នៅព្រឹកថ្ងៃពុធ ទី១២ ខែកុម្ភៈ ឆ្នាំ២០២០ នេះដោយបញ្ជាក់ថា ចំនួនមនុស្សស្លាប់ដោយសារវីរុសខូវីដ ១៩ (កូរ៉ូណាថ្មីថ្មី ឬ Covid-19) បានកើនឡើងដល់ ១,១១០នាក់ និងឆ្លងជាង ៤៤,២០០នាក់។ នេះបើតាមការដកស្រង់ពីសារព័ត៌មាន CNA។

តួលេខខាងលើនេះត្រូវបានស្រង់ចេញពីតាមបណ្តាខេត្ត និងតំបន់នានាចំនួន ៣១ នៅទូទាំងប្រទេសចិន ដែលមានការផ្ទុះឡើងនូវវីរុស Covid-19 ឬកូរ៉ូណាប្រភេទថ្មី។ កាលពីថ្ងៃអង្គារម្សិលមិញនេះ មនុស្ស ៩៤នាក់បន្ថែមទៀតបានបាត់បង់ជីវិត និង ១,៦៣៨នាក់ផ្សេងទៀតត្រូវបានរកឃើញថា មានផ្ទុកវីរុស Covid-19 ឬកូរ៉ូណាថ្មី៕

Loading...